වෘත්තීය අයිතිවාසිකම් ඉල්ලා සිටි වරදට වෙඩි තබා රොෂේන් චානක ඝාතනය කර දස වසරක් ඉක්ම ගොස් ඇත. දස වසරකට පසුවත් තම පුතුගේ ඝාතනය ගැන සිහිපත් කරන්නට සිදුව ඇත්තේ යුක්තිය ඉටු නොවූ පසුබිමක බව පවසන්නේ රොෂේන්ගේ මව ය.

21 හැවිරිදි රොෂේන් පොලිස් වෙඩි පහරින් ඝාතනය වූයේ 2011 මැයි 30 වෙනිදාය. අහිංසක කම්කරුවන්ගේ නිරායුධ විරෝධයට එල්ල වූ ආණ්ඩුවේ ප්‍රහාරය ඔහු ගේ පණ නල උදුරා ගන්නා ලදී.

දස වසරකට පසු ඔහුගේ ඝාතනයේ වේදනාව අනුස්මරණය කරන්නට ඩා බිඳු සාමූහිකය හා නිදහස් වෙළඳ කලාප සහයෝගීතාව තීරණය කොට ඇත. එළඹෙන ජූනි 01 වෙනිදා කටුනායකදී පැවැත්වෙන එම සැමරුමට රොෂේන්ගේ මව ද එක් වනු ඇත.

පසුගියදා පැවති මාර්ගගත සාකච්ඡාවකදී මෙම සංවිධාන නියෝජිතයන් අවධාරණය කළේ සමස්ත වැඩකරන ජනයා හමුවේ රොෂේන් වීරයෙකු බවයි. ඔහුගේ ඝාතනය සම්බන්ධයෙන් යුක්තිය ඉටු නොවූවා පමණක් නොව ඒ පිළිබඳව සොයා බැලූ මහානාම තිලකරත්න කොමිසමේ වාර්තාව ලබා ගැනීමටද අරගල කරන්නට සිදු විය. අවසානයේ එම වාර්තාව ලබා ගත්තේ තොරතුරු දැනගැනීමේ අයිතිය භාවිතා කරමිනි.

SRI LANKA Mother of killed Catholic worker wants justice for all victims of  police
What's your reaction?
0Cool0Upset0Love0Lol

Add Comment

to top